Në Kosovë, Shqipëri , Maqedoni dhe Mal të Zi sot po mban mot kryesisht i kthjellët dhe mjaft i nxehtë. Në viset kodrinore-malore është pak më freskët, kurse në viset bregdetare është mjaft nxehtë. Tutje në veri dhe veriperëndim të Ballkanit shihen më shumë vranësira, poashtu edhe në perëndim dhe veri të Italisë.
Mot i ngjashëm do të vazhdojë gjatë tërë ditës por priten zhvillime lokale të vranësirave, megjithatë do të mbetet thatë, me përjashtim të disa viseve kodrinore-malore ku mund të ketë ndonjë rrebesh afatshkurtër shiu. Gjasa më të mëdha për rrebeshe lokale shiu me vetëtima dhe bubullimë ka Mali i Zi dhe skaji verior i Shqipërisë./Meteoballkan
