Përderisa stuhitë po vërshojnë në pjesë të ndryshme të globit rajoni ynë gjendet nën ndikimin e masave stabile anticiklonike dhe po ashtu edhe nën ndikimin e masave të nxehta ajrore me origjinë nga Afrika Veriore.
Kjo gjendje sinoptike do të vazhdojë gjatë tërë pjesës së mbetur të muajit Gusht dhe temperaturat do të shënojnë ngritje të mëtutjeshme nesër dhe gjatë fundjavës dhe kjo koha më ideale për kalimin e pushimeve në bregdet.
Në anën tjetër Shtetet e Bashkuara të Amerikës po përballën me stuhinë historike, Uraganin Laura, kurse Azia po përballet me Tajfunin e fuqishëm Bavi i cili po godet Korenë jugore dhe veriore dhe pjesë të Kinës. Këto dy super-stuhi tropikale po bëjnë lajmet kryesore në botë këto ditë, kurse krejt në fund të Gushtit dhe në fillim të Shtatorit stuhi pritet të përfshijnë edhe shumë pjesë të Kontinentit Evropian duke përfshirë edhe veriperëndimin e Gadishullit Ballkanik si pasojë e depërtimit të masave ajrore ciklonike nga Atlantiku. Se si do të ndikojnë këto masa ajrore ciklonike në fillim-Shtator në rajonin tonë të ngushtë është ende mjaft e paqartë por në do tu mbajmë të informuar me evoluimin e gjendjes sinoptike./Meteoballkan
