Në Kosovë sot do të mbajë mot jashtëzakonisht i ftohtë me erëra të fuqishme dhe të akullta veriore dhe me reshje të herëpashershme dhe lokale bore. Temperaturat do të ulën disa vlera numerike nën 0 gradë celsius dhe ashtu do të mbesin gjatë tërë ditës pra në minus. Ndjesia subjektive e të ftohtit do të jetë e fuqishme për shkak të erërave të akullta veriore.
Në Shqipëri, sot pritet që reshjet të pushojnë, por pritet edhe depërtimi i temperaturave të ulëta Siberike. Në shumë rajone të Shqipërisë priten reshje të dendura bore e posaçërisht në jug dhe juglindje të vendit si dhe në viset kodrinore-malore. Reshje bore priten edhe në shumë rajone tjera por me intesitet të dobët. Reshjet më të pakta ashtu siç kemi thënë kaherë do të jenë në perëndim dhe veriperëndim të vendit.
Edhe Maqedonia sot do të përfshihet nga temperatura jshtëzakonisht të ulëta Siberike. Vende – vende priten edhe reshje bore.
E tërë kjo vjen si pasojë e krijimit të një cikloni mjaft të fuqishëm në kufirin mes Greqisë dhe Turqisë i cili në “bashkëveprim” me anticiklonin jashtëzakonisht të fuqishëm me qendër në Britaninë e Madhe do të shkaktojnë erëra të fuqishme dhe ulje të theksuara të temperaturave. Greqia, Turqia dhe Bullgaria do të goditën nga stuhi të fuqishme dimërore me reshje të dendura shiu dhe bore, kurse Kroacia, Hercegovina, Mali i Zi dhe pjesë të Bregdetit Shqiptar do të goditën nga erëra të fuqishme por të thata gjatë natës dhe nesër paradite. Kjo erë në terminologjinë e gjuhës shqipe quhet si “Murlani”.
Edhe ditëve të ardhshme do të vazhdojë të mbajë mot mjaft i ftohtë, në Kosovë me reshje të herëpashershme dhe lokale bore kurse në Shqipëri do të mbetet kryesisht thatë me përjashtim të lindjes dhe juglindjes ku nganjëherë mund të ketë reshje të dobëta bore./Meteoballkan
