Siç po shihet në imazhin satelitor këtë paradite në rajonin tonë po mbanë mot kryesisht i kthjellët, por në disa vende pati edhe vranësira kalimtare. Gjatë ditës temperaturat po shënojnë ngritje, ndërsa në Kosovë pasdite priten zhvillime lokale të vranësirave vertikale apo konvektive të cilat vende-vende do të sjellin rrebeshe shiu me vetëtima dhe bubullimë. Shumë rajone do të kenë rrebeshe, ndërsa shumë rajone tjera do të mbesin pa asnjë pikë sepse kemi të bëjmë me zhvillime tipike verore të izoluara.
Ndonjë rrebesh i izoluar mund të paraqitet edhe në viset malore në Shqipëri dhe Maqedoni, përndryshe në shumicën e territorit (Shqipëri, Maqedoni) pritet mot me diell, vranësira kalimtare (pa reshje) dhe mjaft i nxehtë./Meteoballkan
