Sot në Kosovë do të mbajë mot kryesisht me diell dhe me vranësira të shtresave të larta atmosferike. Temperaturat do të shënojnë ulje shumë të lehta kurse erërat do të jenë të lehta deri mesatare nga ana e jugut.
Në Shqipëri mot stabil dhe me diell ku vende vende do të ketë edhe vranësira të herë pas hershme. Do të jetë relativisht nxehtë. Reshje nuk do të ketë.
Edhe në Maqedoni mot i ngjashëm, i nxehtë, me diell dhe vranësira të herë pas hershme kryesisht të shtresave të larta atmosferike.
Edhe fillimi i javës së ardhshme nuk na sjell ndonjë ndryshim të motit. Do të vazhdojmë të jemi nën ndikimin e masave ajrore të thata anticiklonike, kurse temperaturat do të shënojnë ulje të lehta, megjithatë do të mbetet mjaft nxehtë krahasuar me periudhën kohore në të cilën gjendemi./Meteoballkan
