Sot në Kosovë do të mbajë mot kryesisht me diell dhe relativisht i nxehtë. Temperaturat do të shënojnë ngritje të lehta. Gjatë ditës pritet të ketë zhvillim lokal vranësirash por do të mbetet kryesisht thatë.
Në Shqipëri, Maqedoninë e Veriut dhe Mal të Zi mot kryesisht me diell dhe i nxehtë. Vetëm në Mal të Zi mund të ketë më shumë vranësira dhe riga lokale shiu.
Nesër pritet të kemi ndryshim të motit. Fillimisht në Shqipëri pritet që gjatë ditës të krijohen vranësira të dendura të cilat do të sjellin edhe reshje shiu. Reshjet e shiut lokalisht do të jenë të dendura. Gjatë pasdites reshjet e shiut do të shtrihen edhe në Maqedoninë Veriore dhe Kosovë. Vende-vende ka mundësi që të ketë edhe rrebeshe lokale shiu me vetëtima dhe bubullimë.
Të dielën po ashtu në tërë rajonin tonë pritet të kemi mot të ndryshueshëm dhe me reshje të herëpashershme shiu.Vende-vende priten rrebeshe të fuqishme shiu me vetëtima dhe bubullimë. Në Kosovë do të kemi edhe intervale kohore me diell, kurse kohe pas kohe dhe vende-vende do të kemi rrebeshe shiu me vetëtima dhe bubullimë.
Të hënën pritet të kemi ulje të ndjeshme të temperaturave dhe reshje të shpeshta shiu si në Kosovë, po ashtu edhe në Shqipëri dhe Maqedoninë Veriore.
