Paradita e sotme ishte kryesisht e kthjellët mbi rajonin tonë siç mund të vëreni edhe në imazhin satelitor. Kishte vranësira të pakta të shpërndara dhe kështu është edhe në këto çaste por në rajonin e Dragashit kemi një vranësirë të zhvilluar në këto momente e cila po sjell rrebeshe shiu në atë rajon kryesisht kodrinoro-malor.
Rrebeshe të izoluara me vetëtima dhe bubullimë priten sot në tërë rajonin, Kosovë, Shqipëri, Maqedoni dhe Mal të Zi, por pasiqë kemi të bëjmë me shira lokal veror shumë rajone përsëri do të mbeten pa asnjë pikë shiu.
Temperaturat do të jenë mbi 30 gradë celsius, ndërsa edhe ndjesia subjektive do të jetë e lartë për shkak të lagështisë së ajrit. Lum ato rajone që do të freskohen pasdite./Meteoballkan
