Masa mjaft jostabile ajrore e cila po qëndron në Evropën lindore gjegjësisht afër Detit të Zi po mban atmosferën e paqëndrueshme në pjesë të Evropës lindore dhe Turqi. Rumania pothujase çdo ditë po goditet nga stuhi të fuqishme me vetëtima, bubullimë dhe breshër. Ngashëm edhe Bullgaria, ndërsa dje tre persona humbën jetën në Turqi si pasojë e përmbytjeve të mëdha në rajonin e Ankaras.
Mot jashtëzakonisht jostabil në këto rajone pritet edhe ditët e ardhshme, ndërsa pikërisht nga Bullgaria dhe Rumania, nëpërmjet Serbisë nesër pritet që edhe Kosova të preket nga këto masa të paqëndrueshme ajrore të cilat do të rrugëtojnë nga lindja në drejtim të perëndimit. Nomralisht se në Kosovë këto masa ajrore do të vijnë më të dobësuara megjithatë nuk përjashtohet mundësia që nesër vende-vende të ketë rrebeshe të fuqishme shiu me vetëtima, bubullimë dhe mundësi edhe për breshër./Meteoballkan
