Ditëve të ardhshme nga Oqeani Atlantik në drejtim të Evropës perëndimore do të depërtojnë masa të fuqishme të lagshta ajrore. Duke filluar nga Porurtugali, Spanja, Franca Italia, Gadishulli Ballkanik e deri në Turqi priten reshje lokalisht të fuqishme shiu.
Në anën tjetër në Evropën lindore dhe Rusi mbretërojnë masat ajrore të ftohta me origjinë polare ku do të kemi reshje të shpeshta bore dhe stuhi dëbore. Evropa Qendrore ditëve të ardhshme do të përfshihet nga një mot i ndryshueshëm me reshje të herë pas hershme shiu dhe bore dhe ndryshime të shpeshta të temperaturave. Reshje bore priten në Austri, Zvicërr dhe jug të Gjermanise. Pjesët tjera të Gjermanisë do të mbesin kryesisht pa reshje ose me reshje të pakta si pasojë e anticiklonit skandinavë.
Në anën tjetër gjatë ditëve të ardhshme edhe Ishujt Britanik do të përfshihen nga një ciklon i fuqishëm me erëra të fuqishme dhe reshje shiu që vjen nga Atlantiku.
Masat e lagshta dhe jostabile ajrore do të shtrihen që nga Spanja e deri në Turqi duke përfshirë edhe Gadishullin Ballkanik. Pra edhe ne do të jemi nën ndikimin e masave të paqëndrueshme ajrore të cilat do të na sjellin reshje të shpeshta atmosferike kurse nga mesi i javës së ardhshme vende vende pritet që të kemi edhe reshje bore sepse do të kemi depërtimin e ajrit të ftohtë Siberik me origjinë polare./meteoballkan.
