Pas reshjeve lokale të borës së dites së djeshme sot reshjet janë të rralla dhe sporadike. Në shumicën absolute të territoreve tona nuk ka më reshje dhe përkohësisht jemi nën ndikimin e masave të thata ajrore anticiklonike.
Edhe gjatë ditës së sotme nuk përjashtohet mundësia për ndonjë fjollë bore në disa zona kodrinore-malore, ndërsa ndikimi anticiklonik vjen e fuqizohet. Pas frontit të djeshëm pasoi ulja e temperaturave dhe për këtë arsye do të kemi acar të dobët për shkak të ardhjes së një sasie të dobët të ajrit polar nga Evropa.
Dita e shtunë do të karakterizohet me mot të thatë dhe pa reshje atmosferike. Mëngjesi do të jetë me ngrica dhe nëpër disa lugina dhe ultësira me mjegull. Dita stabile, me alternime me vranësirave e intervaleve kohore me diell. Temperaturat rreth vlerave normale për këtë periudhë kohore.
Ndërkohë një ciklon super i fuqishëm zhvillohet në Britaninë e Madhe ose mes Britanisë së Madhe dhe Skandinavisë. Ky ciklon shtrin ndikimin e tij edhe në shumë pjesë të Evropes veriperëndimore dhe qendrore. Të dielën do të kemi një “shkëputje” të një mase ajrore nga ky ciklon në veriun e Italisë e cila masë ajrore vjen me lagështi kalimtare edhe në territoret tona, përderisa në deti krijohet një “mini-ciklon” i cili zhvendoset shpejtë nga veriu në jug përmes detit në drejtim të Greqisë dhe Turqisë. Për këtë arssye të dielen pasdite në territoret tona dot kemi përsëri shtim të kosinderueshëm të vranësirave të cilat do të kushtëzojnë reshje të përziera.
Do të kemi reshje shiu, shqote e bore varësisht nga rajoni, temperatura, pozita gjeografike, lartësia mbidetare e faktor tjerë meteorologjik. Reshjet do të jenë kalimtare dhe do të zgjasin afërisht nga 2 deri në 3 orë e pastaj pritet të pushojnë menjëherë.
Sipas ecurive aktuale sinoptike fillimi i javës së re nis me mot stabil, me ngrica të dobëta deri mesatare në mëngjes dhe me rritje të temperaturave ditore./MeteoBallkan
