Edhe kjo javë pritet të karakterizohet me mot paksa të ndryshueshëm, por në përgjithësi moti do të jetë shumë stabil krahasuar me javën e kaluar.
Dita e parë e javes (e hënë) do të karakterizohet me intervale me diell dhe zhvillime të fuqishme të vranësirave të shiut të cilat do të kushtëzojnë rrebeshe të izoluara shiu me vetëtima dhe bubullimë. Vende-vende priten rrebeshe intensive. Edhe dita e martë pritet të sjellë rrebeshe afatshkurtra dhe ndonjë bubullimë, sidoqoftë moti do të ketë tendencë stabilizim nga orët e pasdites së të martes.
Nga e mërkura stabilizim pothuajse i plotë i motit dhe temperaturat shënojnë rritje por nuk pritet i nxehtë i madh. Pra, të mërkurën dhe të enjtën na pret mot kryesisht me diell, ngrohtë dhe i qetë, me temperatura maksimale nga 26 deri në 28 gradë Celsius, pra pritet mot i këndshëm, por nganjëherë me erëra të freskëta.
Në bregdet gjatë tërë javes mot i mirë, përpos jugut të vendit me mundësi për ndonjë rrebesh të izoluara, afatshkurtër shiu.
Nga e premta do të kemi ardhjen e një fronti të dobët, të ftohtë ajror i cili pritet të kushtëzojë ulje të lehta të temperaturave dhe aty-këtu ndonjë rigë ose rrebesh shiu. Reshjet pritet të jenë afatshkurtra dhe në zona të izoluara. Rrebeshe më intensive sipas ecurive sinoptike pritet të ketë në jug dhe juglindje të Shqipërisë. E shtuna pritet të jetë paksa më e freskët, ndërsa sipas ecurive aktuale të dielën na pret mot i nxehtë, me diell dhe stabil./MeteoBallkan