Gjatë javës në të cilën po hymë na pret mot kryesisht stabil dhe i ngrohtë në pjesën e pare të javës. Tri ditët e para të javës do të jemi nën ndikimin e masave të ngrohta ajrore që vijnë nga jugperëndimi, ndërsa anticikloni gjigand na siguron mot pa reshje dhe me shumë pak vranësira. Temperaturat ditore do të jenë rreth 20 gradë Celsius, ndërsa në shumë rajone edhe mbi 20 gradë Celsius. Në viset mesdhetare të Shqipërisë edhe mbi 25 gradë Celsius.
Një front i i ftohtë ajror afrohen nga verilindja e Kontinentit ditën e enjte duke kushtëzuar ulje të temperaturave n zonat kontientale, por fronti nuk parashihet të jetë i pasur me lagështi, prandaj reshje pritet të jenë krejtësisht simbolike dhe të lokalizuara. Ulja e temperaturave do të ndjehet sidomos të enjten dhe të premtën, ndërsa për fundjavë përsëri pritet të ketë rritje të temperaturave dhe po ashtu priten intervale kohore me diell dhe vranësira lokale. Në viset mesdhetare fronti i mesjavës do të ndjehet shumë pak, por prapëseprapë priten ulje kryesisht të lehta të temperaturave.
Pra, para nesh një javë kryesisht e thatë dhe e ngrohtë gjatë ditës. E enjta dhe e premta sjellin ulje të temperaturave, por sipas ecurive aktuale sinoptike reshje nuk priten të ketë, ose priten reshje simbolike në disa rajone. Fundjava sjellë përsëri stabilitim të atmosferës dhe rritje të temperaturave rreth 20 gradë Celsius. Në mesdhe pak më ngrohtë.
Ishte ky parashikimi javor me pak fjalë nga Meteo Ballkan. Ndryshime të vogla mund të ketë gjatë javës dhe për çdo ndryshim eventual do të njoftoheni me kohë në postimet tona të përditshme./MeteoBallkan