Masat mjaft të nxehta ajrore me origjinë nga Afrika veriore do të dominojnë motin në viset tona gjatë kësaj jave, ndërkohë që ulje të temperaturave nuk presim, por mund të ndodhë ndonjë depërtim i ndonjë sasie të ajrit jo-stabil dhe si pasojë mund të ketë disa zhvillime të izoluara konvektive që mund të shkaktojnë stuhi të izoluara shiu me vetëtima, bubullimë dhe breshër.
Pasqyra e përgjithshme e kësaj jave do të jenë nxehtësia dhe rrezet e shumta diellore, ndërsa vranësirat dhe rrebeshet apo stuhitë do të jenë të rralla, megjithatë mund të ndodhë ndonjë “befasi”.
Temperaturat maksimale gjatë tërë javës do të jenë mbi 30 gradë Celsius dhe në ditët më të nxehta mund të arrijnë deri në 38 apo ndoshta edhe 39 gradë Celsius. Në Shqipëri dhe Maqedoninë Veriore, normalisht që priten temperatura mbi 40 gradë Celsius. Edhe temperaturat minimale do të rriten vazhdimisht quke kushtëzuar netë tropikale gjatë javës ku në shumë rajone temperatura nuk do të ulen nën 20 gradë Celsius, por netë tropikale nuk priten në të gjitha territoret.
Stuhi të izoluara presim sonte vetëm në disa zona kryesisht kodrinore-malore në Kosovë, kurse nesër e Martë stuhi më intensive parashihen në juglindje të Shqipërisë dhe zonat përreth. Në viset me vranësira e reshje kalimtare do të ketë freski kalimtare, por vala e nxehtësisë vazhdon menjëherë me kalimin e vranësirave ose sistemeve eventuale të izoluara.
Ditëve tjera gjatë javës pra, kryesisht me diell dhe shumë nxehtë. Pasditeve mund të ndodhin zhvillime të izoluara afatshkurtra vetëm në rajone të caktuara, por i nxehti vazhdon ashtu siç i ka hije stinës më të nxehtë të vitit.
Edhe fundjava parashihet mjaft e nxehtë dhe me temperatura madje mbi 35 gradë Celsius, por jo-stabilitetet atmosferike afrohen në vendet fqinje dhe mbetet të shihet se a do të arrijnë edhe në viset tona./MeteoBallkan