Java që po hymë do të karakterizohet me mot kryesisht me diell në Kosovë. Pra rrezet diellore do të jenë karakteristik kryesore, megjithatë nuk do të mungojnë edhe vranësirat kalimtare. Reshje atmosferike në nivel vendi nuk pritet të ketë as gjatë kësaj jave, por nuk përjashtohet mundësia që të ketë reshje të izoluara herë pas here. Temperaturat do të shënojnë ngritje graduale gjatë javës për të pësuar ulje graduale në fundjavë.
Në Shqipëri pritet të ketë mot më të ndryshueshëm gjatë kësaj jave kur pritet të shpeshtohen edhe rrebeshet e shiut me vetëtima dhe bubullimë. Temperaturat do të mbesin relativisht të larta në nivel vendi. Rrebeshet e shiut do të jenë prezente pothuajse çdo ditë të javës por jo gjithmonë në të njëjtat rajone të vendit. Të martën priten rrebeshe në juglindje, ndërsa të mërkurën dhe të enjtën priten rrebeshe të fuqishme në shumë pjesë të Shqipërisë duke përfshirë edhe perëndimin e vendit.
Pra edhe këtë javë parashihet të kemi deficit të të reshurave atmosferike, me përjashtim të disa rajoneve në Shqipëri të cilat më në fund do të përfitojnë nga rrebeshet e fuqishme të shiut me vetëtima dhe bubullimë. Ngjashëm sikur në Shqipëri do të jetë edhe në Mal të Zi, pra priten rrebeshe të shpeshta shiu me vetëtima dhe bubullimë, ndërsa Kosova dhe Maqedonia Veriore do të mbesin kryeisisht me reshje të izoluara ose pa reshje fare dhe me temperatura relativisht të larta.
Në fundjavë në tërë rajonin pritet të kemi ulje graduale të temperaturave, veçanërisht në viset kontinentale.
Ishte ky parashikimi i motit për javën që po hymë gjykuar në bazë të ecurive më të fundit sinoptike. Parashikimi mund të pësojë ndryshime dhe për çdo ndryshim eventual do të njoftoheni me kohë në postimet tona të përditshme në Meteoballkan./Meteoballkan
