Edhe gjatë kësaj jave do të vazhdojmë të jemi nën ndikimin e masave periferike anticiklonike nga kontinenti dhe masave periferike ciklonike nga Mesdheu, por më dominante do të jetë ndikimi anticiklonik, ngase cikloni mesdhetar i cili gjendet pak larg, përtej Italisë amo mes Italisë dhe Afrikes veriore asesi të depërtojë dhe të thyej “barrierën anticiklonike” mbi territoret tona.
Sa iu përket temperaturave do të vazhdojë të jenë rreth vlerave mesatare për muajin Nëntor ose ndoshta pak mbi vlera mesatare. Reshje atmosferike edhe gjatë kësaj jave nuk pritet të ketë për shkak të anticiklonit të fuqishëm në lindje të Evropes.
Të premtën do të kemi ulje të ndjeshme të temperaturave për shkak të depërtimit të një fronti nga veriu dhe veriperëndimi i kontinentit. Edhe ky front i cili fillimisht supozohej të jetë më i pasur me lagështi, bazuar në ecuritë më të fundit nuk do të ketë lagështi dhe se reshjet që pritet të sjellë ky front pritet të jenë krejtësisht simbolike. Pas këtij fronti pritet të kemi ekspansion edhe më të fuqishëm anticiklonik dhe kësaj radhe nga Azoret dhe Franca. Pas uljes së temperaturave gjatë ditës së premte nga e shtuna menjëherë pritet të ketë rikoperim të temperaturave rreth vlerave normale ose pak mbi vlera normale.
Pra, edhe një javë kryesisht pa reshje atmosferike, me mot tipik vjeshtor, me ulje të temperaturave të premtën dhe rritje të sërishme të lehta për fundjavë. Ishte ky parashikim javor i motit bazuar në ecuritë aktuale sinoptike dhe nëse ndodhë ndryshim të papritur të gjendjes sinoptike do të lajmëroheni në postimet tona të përditshme./MeteoBallkan
