Kjo javë do të karakterizohet me mot mjaft të ndryshueshëm në rajonin tonë ku pritet të përjetojmë të gjitha ngapak, që nga reshjet e shiut, borës, acar kryesisht jo të fortë, pastaj rritjen e temperatuave deri në norma pranverore pothuajse.
Sonte kemi frontin e fuqishëm të ftohtë ajror që pritet të na sjellë reshje shiu e bore dhe erëra të forta.
Nesër (e martë) na pret mot i ftohtë, me erëra veriore dhe reshje sporadike bore.
Nga e mërkura do të jemi nën ndikimin e masave ajrore anticiklonike. Mëngjesi i së mërkurës pritet të jetë mjaft i ftohtë, por gjatë ditës pritet stabilizim i plotë i motit.
Nga e enjta temperaturat shënojnë rritje të ndjeshme si në vlerat minimale, po ashtu edhe në vlerat maksimale. Kjo vjen si pasojë e ardhjes së një mase të ngrohtë ajrore nga Mesdheu dhe Afrika veriore. Mot i ngrohtë na pret dy ose tri ditë, kurse gjatë fundjavës pritet të kemi ulje graduale të temperaturave dhe mundësi për reshje lokale atmosferike të intensitetit kryesisht të dobët.
Temperaturat minimale në mëngjeset e ftohta pritet të ulen deri në -4, -5 gradë Celsius, ndërsa ato maksimalet në ditët e ngrohta mund të arrijë deri në 14 ose 15 gradë Celsius./MeteoBallkan
