Fillimi i javës më të re në rajonin tonë do të karakterizohet me mot mjaft të nxehtë në shumë rajone, kurse në disa rajone pritet destabilizim i motit.
Në pjesën më të madhe të Shqipërisë do të mbajë mot kryesisht me diell dhe mjaft i nxehtë, ndërsa në Kosovë, nesër pasdite, vende -vende priten rrebeshe lokale shiu me vetëtima, bubullimë dhe mundësi edhe për breshër. Reshjet nuk do të jenë gjithëpërfshirëse por të izoluara apo të karakterit lokal, por në disa lokacione mund të jenë violente. Do të fillojnë të fryjnë erëra mesatare dhe në disa raste të fuqishme nga veriu dhe verilindja
Pas temperaturave mjaft të larta që mbizotëruan sot dhe që do të mbizotërojnë nesër paradite, nga pasditja pritet depërtimi i një fronti të dobët të ftohtë ajror i cili do të ndikojë në viset kontinentale dhe priten ulje të lehta të temperaturave.
Në mesjavë gjegjësisht të mërkurën në drejtim të rajonit tonë do të depërtojnë masa pak më të freskëta ajrore nga veriu i Kontinentit, përderisa në të njëjtën kohë Evropa perëndimroe do të vuajë nga i nxehti ekstrem afrikan. Gjithashtu në rajonin tonë pritet edhe shtim i vranësirave, normalisht e kemi fjalën për viset kontinetale (kryesisht Kosova) e jo ato mesdhetare dhe bregdetare.
Nga e enjta pritet përsëri të kemi ngritje të temperaturave dhe mot të kthjellët dhe ky trend do të vazhdojë edhe gjatë fundjavës së ardhshme, kur do të fillojë edhe ulja e presionit atmosferike dhe kjo mund të jetë shenjë e mundshme për destabilizim të motit në vet fundin e kësaj dhe fillimin e javës së ardhshme.
Ishte ky parashikimi i përgjithshëm i motit për javën që po hymë dhe për çdo ndryshim eventual ne do tju njoftojmë në parashikimet tona të përditshme./Meteoballkan
