Pas nxehtësisë ekstreme dha valës së stërzgjatur të nxehtësisë verore shumë shpejt kjo valë nxehtësie do të marrë fund duke ulur temperaturat dhe kjo ulje e temperaturave do të shoqërohet me vranësira të dendura dhe stuhi shiu.
Edhe dita e martë do të jetë e nxehtë dhe me temperatura mbi 30 gradë Celsius, ndërsa zhvillimet e rrebesheve të shiut do të jenë të izoluara, kurse e mërkura sjellë destabilizim masiv të motit.
FRONTI I FTOHTË ME STUHI SHIU VJEN TË MËRKURËN
Një front mjaft i fuqishëm i ftohtë ajror vjen të mërkurën fillimisht në Kosovë dhe Mal të Zi, pastaj edhe në shumë pjesë të Shqipërisë dhe Maqedonisë së Veriut. Fronti do të jetë i pasur me lagështi dhe tranzicioni i temperaturave nga të lartat në ato më të ulëta do të shoqërohet me vranësira të dendura dhe stuhi shiu. Vende-vende priten rrebeshe mjaft intensive shiu me vetëtima, bubullimë dhe mundësi edhe për breshër.
Fronti do të arrijë edhe në Shqipëri dhe Maqedoninë Veriore, por normalisht nuk do të jetë me ndikim të madh sidomos në disa zona mesdhetare të Shqipërisë.
Do të jetë ky një front i cili do ti jap fund valës së stërzgjatur të nxehtësisë ekstreme e cila u bë e rëndë edhe për shkak të zagushisë së fortë.
Rrebeshet më të fuqishme gjatë së Mërkurës priten në disa pjesë të Republikës së Kosovës, lindje të Shqipërisë dhe perëndim të Maqedonisë së Veriut, lokalisht edhe në disa zona tjera.
Nga e Enjta na pret mot dukshëm më i freskët dhe më i këndshëm, ndërkohë që priten intervale të gjata kohore me diell dhe vranësira të shpeshta lokale. Nuk do të mungojnë reshjet e izoluara vetëm në disa zona të caktuara.
Pas dy ose tri ditëve relativisht të freskëta në fundjave temperaturat do të shënojnë rritje sërish dhe kjo mund të jetë fillim i një valë të re të nxehtësisë verore e cila do të jetë më se e mirëseardhur sepse do të jemi në mes të stinës më të nxehtë të vitit.
Pra, edhe të martën nxehtë, ndërsa e mërkura do të jetë e nxehtë deri sa sistemet frontale të arrijnë nga veriu dhe veriperëndimi, pastaj pason ulja e ndjeshme e temperaturave e cila do të ndjehet orëve të vonshme të së mërkurës dhe të enjten e Premten. Ajri i nxehtë afrikan kthehet të dielën.
Ishte ky parashikimi i motit për këtë javë dhe ndryshime të vogla në parashikimi mund të ndodhin për të cilat do të jeni të njoftuar në postimet tona të përditshme./MeteoBallkan
