Nën ndikimin absolut anticiklonik kjo javë do të karakterizohet me mot të thatë, me shumë rreze diellore dhe temperatura maksimale pothuajse pranverore.
Masa mjaft të ngrohta ajrore me origjinë nga jugperëndimi i Kontinentit do të mbizotërojnë atmosferën në rajonin tonë këtë javë dhe për këtë arsye do të kemi mot stabil dhe pa reshje atmosferike. Erërat në fillim të javës nuk favorizuar krijimin e mjegullnajave solide, por duke filluar nga mesi i javës erërat do të dobësohen dukshëm dhe për këtë arsye mund të krijohen kushte për mjegull në shumë rajone sidomos në lugina dhe ultësira.
Megjithatë mjegulla ose vranësirat e ulëta që mund të krijohen eventualisht nga procesi i inversionit të temperaturave nuk do të mund të qëndrojnë gjatë për shkak të rrezeve të forta diellore, normalisht me ndonjë përjashtim.
Ndryshimi i gjendjes sinoptike do të fillojë të shtunën me 30 Dhjetor kur në Itali mund të kemi krijimin e një cikloni dhe në viset tona do të fuqizohen rrymimet ajrore nga jugu.
Natën e fundit të vitit apo ditën e parë të vitit 2024 mund të kemi ardhjen dhe kalimin e këtij cikloni i cili do të kushtëzojë reshje shiu që pastaj në shumë rajone mund të shndërrohen në reshje bore, megjithatë kjo mbetet ende për tu konfirmuar.
Në aspektin termik kjo javë shumë e ngrohtë për këtë periudhë kohore. Në Kosovë temperatura maksimale mund të arrijë 17 ose 18 gradë Celsius e në Shqipëri edhe më shumë.
Pra, deri të shtunën mot stabil. Edhe e shtuna me ndryshime të vogla, ndërsa ndryshim më të madh të motit mund të kemi të dielën.
Informacione tjera në postimet tona të përditshme./MeteoBallkan