Kjo javë pritet të karakterizohet me mot të ndryshueshëm dhe më të ftohtë se java që lamë pas. Sonte gjatë natës ose nesër orëve të mëngjesit pritet të kemi destabilizim të motit me shtim të madh të vranësirave, erëra veriore dhe ulje të temperaturave. Priten edhe reshje shiu dhe vende-vende edhe reshje kryesisht të pakta bore. Reshje pak më të theksuara bore priten në viset kodrinore-malore.
Kjo vjen si pasojë e ardhjes së një cikloni të shpejtë i cili me largimin e tij drejt Greqisë priten ulje të temperaturave për shkak të rrymimeve ajrore nga veriu.
Reshjet e nesërme (e martë) nuk do të zgjasin shumë. Pas ndërpërejes së tyre do të vazhdojnë reshje lokale në formë të rrebesheve të izoluara në disa zona të caktuara.
Nga e mërkura na pret mot me intervale kohore me diell dhe zhvillime lokale të vranësirave. Reshjet do të ndoshin vetëm në disa zona të caktuara në formë të rrebeshe të herëpashershme shiu ose bore. Temperaturat do të shënojnë ulje në vlerat minimale dhe maksimale. Ato minimale pritet të ulen deri në -6 gradë Celsius, ndërsa temperaturat maksimale do të arrijnë nga 8 deri në 12 gradë Celsius. Në zonat mesdhetare normalisht pritet të jetë më ngrohtë me temperatura maksimale rreth 16 gradë Celsius dhe me më shumë rreze siellore. Para fundjave priten rritje të lehta të temperaturave, kurse për fundjavë na pret një ciklon nga Italia i cili kësaj radhe mund të na sjellë reshje pak më të dendura atmosferike në formë shiu, por duke mos përjashtuar mundësinë edhe për reshje bore. Ky ciklon pritet të arrijë të dielën i cili do të kushtëzojë edhe ulje më të theksuara të temperaturave./MeteoBallkan