Dita e parë e Korrikut 2024 po karakterizohet me mot plotësisht stabil, me diell dhe vapë verore ashtu siç e meriton muaji Korrik, megjithatë një front i ftohtë ajror është duke u afruar nga Evropa.
Fronti i ftohtë ajror do të arrijë të Martën në viset tona duke kushtëzuar shtim të vranësirave dhe rrebeshe lokale shiu me vetëtima dhe bubullimë. Kalimthi mund të ketë edhe erëra të fuqishme, pra me depërtimin e frontit të ftohtë ose në rast krijimi të ndonjë shtrëngate të fuqishme lokale.
E Hëna pritet të përfundojë ashtu siç ka filluar, me ngrohtësi verore dhe stabilitet atmosferik.
Të MARTËN destabilizim i motit. Depërtim i frontit të ftohtë ajror vonë me rrebeshe lokale shiu me vetëtima, bubullimë dhe mundësi për breshër në disa zona të izoluara. Reshjet nuk do të jenë të paraspeshuara, pra vende-vende priten më shumë e në disa vende më pak.
Temperaturat do të pësojnë ulje të ndjeshme orëve të vonshme të së martës sidomos me ardhjen e erërave nga veriperëndimi, ngase gjatë ditës do të fryjnë erëra më të ngrohta kryesisht nga jugperëndimi.
Te Mërkurën dhe Të Enjten na pret mot i këndshëm dhe jo shumë i nxehtë. Erërat do të jenë të freskëta nga veriu dhe veriperëndimi, kurse rrebeshe lokale shiu do të ketë vetëm në disa vise të pakta në Kosovë e shumë më shumë në viset kontinentale të Shqipërisë dhe në perëndim të Maqedonisë së Veriut. Vranësirat do të jenë më të shpeshta, por priten edhe intervale të gjata kohore me diell. Në bregdet më shumë diell, por nganjëherë edhe vranësira e ndonjë rrebesh i shkurtër shiu.
Stabilizimi i motit do të filloi të Enjten, kurse të Premten parashihet stabilizim i plotë i motit. Temperaturat do të fillojnë të ngriten.
Fundjava na sjellë mot stabil dhe të nxehtë veror. Temperaturat do të shënojnë rritje solide, ndërsa anticikloni stabil do të përmirësojë dhe stabilizoi dukshëm kushtet atmosferike.
Ishte ky parashikimi i motit me pak fjalë për javën e parë të Korrikut. Ndryshime të vogla mund të ndodhin. Për çdo ndryshim eventual do të njoftoheni në postimet tona të përditsheme./MeteoBallkan
