Masa e ftohtë ajrore me origjinë polare ka filluar të përfshijë Republikën e Kosovës ku u regjistruan edhe reshje bore. Reshjet e borës do të intensifikohen orëve të pasdites dhe mbrëmjes duke krijuar shtresa dekorative, ndërsa në viset kodrinore-malore shtresa më solide. Shtresa bore nuk priten në tërë territorin.
Reshje bore priten në Kosovë, verilindje të Shqipërisë, veri, verilindje, veriperëndim të Maqedonisë së Veriut e më së shumti priten në Luginën e Preshevës dhe veriun e Malit të Zi. Në zonat tjera reshjet parashihen të pakta dhe sporadike.
Ulja e temperaturave do të vërehet sidomos orëve të mbrëmjes me fuqizimin e erërave të ftohta veriore.
Cikloni po depërton përmes territoreve tona thellë në lindje të Evropës duke mundësuar krijimin e korridorin për ardhjen e ajrit të ftohtë polar. Me largimin e ciklonit të martën priten kthjellime të pjesshme, edhe pse ende priten reshje lokale bore. Reshjet do të vijnë duke u ndërprerë definitivisht, ndërsa pason acari polar sidomos orëve të natës dhe mëngjeseve të hershme.
Temperatura maksimale të martën deri në 0 gradë Celsius në Kosovë, ndërsa ajo minimalje deri në -8 gradë Celsius. Në Shqipëri nga – 4 në zonat mesdhetare deri në 14 e më ftohtë në zonat kontinentale.
Nga e mërkura deri të premten na pret mot më i qetë por i ftohtë dhe me fuqizim të acarit të mëngjesit të hershëm. Reshje atmosferike nuk pritet të ketë. Të enjten zbutje e përkohshme e acarit polar, ndërsa një front mjaft i fuqishëm i ftohtë ajror afrohet nga veriu e verilindja dhe arrin të premten me një fluks të ri edhe më të fuqishëm të ajrit të ftohtë polar.
Parashihen alternime mes vranësirave lokale e intervaleve kohore me diell, por pa reshje atmosferike.
Erërat mjaft të ftohta veriore dhe verilindore do të rifuqizohen. Temperaturat minimale mund të ulen me gjasa deri në -15 gradë Celsius të shtunën, ndërsa zbutje e menjëhershme e acarit të fortë polar pritet të dielën. Ky i ftohtë do të jetë kryesisht i thatë, por mund të ketë reshje sporadike bore në disa zona kryesisht kodrinore-malore.
Të dielen vonë në Mal të Zi dhe Shqipëri shtim i vranësirave me reshje lokale shiu e bore./MeteoBallkan
