Një anticiklon shumë i fuqishëm ka “pushtuar” Evropen duke kushtëzuar mot më stabil sidomos jugperëndimi i Evropes dhe Mesdheu perëndimor. Ky anticiklon do të shtrihet edhe në Ballkan dhe territoret tona duke mbizotëruar plotësisht sidomos Shqipërinë, por edhe Kosovën dhe Maqedoninë Veriore.
Për dallim nga Shqipëria, në Kosovë, Luginë të Preshevës dhe pjesë të Maqedonisë së Veriut do të kemi disa fronte të ftohta atmosferike që “qajnë” bllokaden anticiklonike dhe sjellin reshje kalimtare kryesisht të pakta.
Përkundët fronteve të ftohta atmosferike temperaturat shënojnë rritje dhe zbutet acari i fortë polar.
Në përgjithësi temperaturat do të jenë rreth vlerave mesatare për këtë periudhë kohore, por në viset kontinentale do të ketë luhatje të shpeshta temperaturash, pikërisht për shkak të depërtimit të fronteve të dobëta atmosferike. Këto fronte shumë pak do të ndikojnë në motin në Shqipëri, prandaj Shqipëria gjatë tërë javës do të ketë mot pa reshje atmosferike dhe kryesisht me atmosferë stabile nën “pushtetin absolut anticiklonik”
Anticikloni do të jetë dominant edhe në Kosovë dhe Maqedoninë Veriore, por në kuadër të tij do të kemi ardhjen e disa fronteve që cilat megjithatë do të jenë të dobëta dhe pak të pasura me lagësishtirë, prandaj reshjet do të jenë të pakta dhe të karakterit lokal.
Fronti i parë vjen në Martën, ndërsa fronti i dytë të Enjten dhe një front të tretë të ftohtë ajror mund të kemi për fundjavë apo vikend.
Siç pritet gjithnjë para frontit vjen deri të rritja e temperaturave. Gjatë dhe pas frontit temperaturat zbresin në mënyrë rapide, prandaj për këtë arsye do të kemi luhatje të temperaturave kryesisht në Kosovë, veri të Malit të Zi, Luginë dhe disa pjesë kontinentale të Shqipërisë dhe Maqedonisë së Veriut.
Për fund të themi se gjatë kësaj jave mot shumë më stabil do të kemi në Shqipëri dhe më pak stabil në Kosovë ku priten reshje të pakta kalimtare në formë shiu e bore apo reshje të përziera.
Sa i përket ndonjë skenari dimëror me borë të dendur në territoret tona edhe ky Janar kaq e kishte, por mbetemi me shpresë se Shkurti do të jetë paksa më i pasur me reshje bore.
Për parashikim më të detajuar na përcillni në postimet tona ditore./MeteoBallkan
