Kjo javë ka filluar me mot stabil, me diell dhe vranësira lokale. Në aspektin termik relativisht ngrohtë, por ishte mjaft freskët sidomos në viset kodrinore-malore.
Vazhdimi i javës do të jetë mjaft dinamik, pasi që dita e martë sjellë shumë vranësira dhe reshje lokale shiu.Në orët e pasdites do të ketë gjasa edhe për rrebeshe lokale, intensive shiu me vetëtima dhe bubullimë. Reshjet do të jenë të shtrira në shumë vise të Kosovës, Maqedonisë së Veriut, Luginës së Preshevës, Malit të Zi dhe Shqipërisë. megjithatë në shumë zona të Shqipërisë nuk priten reshje ose reshjet do të jenë kalimtare/afatshkurtra. Këto reshje do të jenë të karakterit lokal.
Reshjet lokale të shiut mund të vazhdojnë edhe natën mes së martës dhe së mërkurës në disa lokacione.
Dita e Mërkurë sjellë vranësira të reja dhe reshje të reja shiu, lokalisht në formë të rrebesheve me ndonjë vetëtimë dhe bubullimë. Reshjet nuk do të ndodhin pa ndërpre, por kohë pas kohe. Në Shqipëri shumë më pak reshje. Temperaturat do të jenë të ulëta për këtë periudhë kohore, por në Shqipëri do të jetë më ngrohtë.
E Enjta sjellë pak më shumë intervale kohore me diell dhe rritje të temperaturave në të gjihta viset tona, por njëkohësisht edhe zhvillime të rrebesheve lokale të shiut me vetëtima dhe bubullimë. Reshjet do të jenë kalimtare.
Afrika Veriore afrohet të PREMTËN.
E Premtja dhe fundjava sjellin rritje të ndjeshme të temperaturave. Më në fund mund të shijojmë ditë më të ngrohta për muajin Maj, por mos të habitemi ngase atmosfera nuk do të jetë krejtësisht stabile.
Përkundër rritjes së temperaturave të premten dhe për fundjavë në disa zona do të ketë gjasa për zhvillime të rrebesheve afatshkurtra, lokale të shiut me vetëtima dhe bubullimë.
Pra, fillimi i javës me diell. Vranësirat dhe rrebeshet e shiut arrijnë të martën për të vazhduar shpeshherë deri të Premtën. Të Premten rritje të ndjeshme të temperaturave si rezultat e rrymimeve të fuqishme ajrore nga jugu dhe ardhjes së masave më të nxehta nga Afrika Veriore. Ende mund të ketë rrebeshe apo stuhi të izoluara shiu me bubullima.
Ishte ky parashikimi javor i motit nga MeteoBallkan. Ndryshime mund të ketë, ngase pritet të kemi një javë me mot mjaft dinamik. Për çdo ndryshim eventual do të njoftoheni me kohë në postimet tona të përditshme./MeteoBallkan
