Masa ajrore të nxehta me origjinë nga Afrika veriore kanë përfshirë territoret tona, ndërkohë që stuhitë janë të izoluara vetëm në disa zona të rralla. Stuhi të fuqishme po ndodhin në pjesët qendrore të Evropës, kurse linja e stuhive vjen duke u zgjeruar gradualisht në drejtim të lindjes dhe juglindjes. Së bashku me stuhitë verore vijnë edhe temperatura më të ulëta.
Përderisa viset tona do të kenë temperatura mjaft të larta edhe disa ditë, stuhi të fuqishme do të përfshijnë vendet që nga Sllovenia e deri në Serbi, ndërkohë që pas mesit të javës këto stuhi (pak më të dobësuara) më në fund parashihet të arrijnë edhe në viset tona duke freskuar motin dhe duke sjellur reshje shiu dhe rrebeshe lokale shiu me vetëtima dhe bubullimë.
Pra, dy tri ditët e para të kësaj jave na pret mot shumë i nxehtë dhe kryesisht me diell. Parashihen edhe vranësira të herëpashershme lokale, kurse reshjet do të jenë të rralla dhe të izoluara. Nga e mërkura me afrimin e fronteve të fuqishme reshjet mund të përfshijnë disa zona në Kosovë duke freskuar motin, ndërkohë që nxehtësia vazhdon në Maqedoninë Veriore dhe qendrën-jugun e Shqipërisë. Sipas të gjitha gjasave nga e Enjta ose të Premten frontet e freskëta të Atlantikut do të arrijnë të depërtojnë përfundimisht duke sjellë reshje shiu e rrebeshe lokale shiu me vetëtima dhe bubullimë në Kosovë, por edhe në pjesën më të madhe të Shqipërisë dhe Maqedonisë Veriore.
Javë me mot tipik dinamik
Pas një jave shumë të nxehtë verore që shënoi edhe valën e nxehtësisë tropikale e cila megjithatë nuk do të zgjasë shumë ngase fuqia e “fronteve evropiane” do të jetë determinante në uljen e temperaturave në mesjavë dhe fundjavë.
Si përfundim të theksojmë edhe një herë: tri ditët e para të javës me mot shumë të nxehtë në tërë viset tona. Nuk do të mungojnë disa zhvillime të vranësirave vetëm në disa zona të izoluara. Të mërkurën vranësirat dhe rrebeshet fillojnë të përfshijnë dhe të shpeshtohen fillimisht në disa vise në Kosovë dhe Mal të Zi. Nga e Enjta frontet parashihet të depërtojnë më thellë në juglindje duke përfshirë (të Premten) edhe Shqipërinë dhe Maqedoninë Veriore me rrebeshe lokalisht intensive shiu me vetëtima dhe bubullimë.
Fundjava me mot më të këndshëm dhe jo shumë të nxehtë, ndërkohë që atmosfera do të stabiliziohet dhe moti do të përmirësohet.
Ata që presin mot të nxehtë do të kenë raste të shumta gjatë kësaj vere. Një valë e re nxehtësie parashihet menjëherë në fillim të javës së ardhshme dhe kjo valë mund të fillojë të dielën pas stuhive eventuale që priten pak para vikendit.
Ishte ky parashikimi i motit për këtë javë, ndërkohë që ndryshime gjithsesi se mund të ketë. Për çdo ndryshim do të njoftohen në postimet tona të përditshme./MeteoBallkan
