Gjatë kësaj jave moti do të përngjajë një vere tipike jo-stabile, me diell e nxehtësi-zagushi dhe njëkohësisht me vranësira lokale, por edhe me zhvillime mjaft të fuqishme konvektive.
Vranësirat lokale do të jenë prezente pothuajse çdo ditë dhe periudhat e gjata me diell gjithashtu.
Ditët e para të javës do të jetë shumë të ngrohta dhe me zhvillime të izoluara ose ndonjë stuhi e izoluar. Mesi i javës ende mjaft i ngrohtë dhe me zagushi, por shumë jo-stabile me mundësi për zhvillimin e shtrëngatave të fuqishme të shiut me vetëtima, bubullimë dhe breshër. Të enjten pasdite pritet të kemi një sistem të fuqishëm frontal me zhvillime të fuqishme konvektive dhe pastaj edhe frontin e ftohtë me ulje të ndjeshme të temperatruave. Si pasojë e Premtja dhe fundjava do të jenë më të freskëta sidomos në viset kontinentale.
Në viset bregdetare më pak zhvillime shumë më shumë diell, megjithatë të enjten në mbrëmje dhe eventualisht edhe të premten edhe bregdeti i Shqipërisë dhe Mal të zi do të përfshihet nga shtrëngata shiu me vetëtima dhe bubullimë.
E hënë : Diell, vranësira e rrebeshe të izoluara në rajon, më të theksuara sidomos në juglindje të Shqipërisë dhe perëndim e jugpeërndim të Maqedonisë së Veriut.
E Martë: Diell dhe nxehtësi e zagushi. Zhvillime të izoluara apo rrebeshe të izoluara.
E mërkurë: Paradite mjaft ngrohtë, pasdite*mbrëmje destabilizim i fortë dhe potencialisht shtrëngata me shi dhe breshër lokal.
E Enjte: Paradite potencialisht nxehtë, pasdite destabilizim mjaft i fuqishëm me zhvillime të fuqishme konvektive pasuar nga fronti i ftohtë ajror, parashihen reshje shiu, rrebeshe intensive, breshër dhe ulje e temperaturave.
Nga e premtja më freskët sepse fronti i së enjtes mbrëma do të sjellë ajrin ndjeshëm më të freskët nga Atlantiku. Parashihen edhe reshje lokale, por kjo është ende e paqartë sepse ende nuk dihet si do të reagojë atmosfera pas frontit të fuqishëm të ftohtë ajror që pritet pasditen apo mbrëmjen e së Enjtes.
Fundjava pak më e freskët, por me mundësi për stabilizim gradual dhe rritje graduale të temperaturave, por kjo mbetet diskutabile siç theksuam më lartë për shkak të gjendjes sinoptike të paqartë pas frontit të ftohtë.
Pra, një javë mjaft e ngrohtë dhe njëkohësisht mjaft jo-stabile. Depërtimi i masave të nxehta ajrore me origjinë nga Afrika veriore dhe atyre të freskëta, mjaft jo-stabile me origjinë nga Atlantiku, kësaj radhe ndeshja e këtyre masave ajrore do të ndodhë edhe në viset tona, prandaj parashihen potencialisht shtërngata të fuqishme lokale në mes të javës.
Viset bregdetare kryesisht stabile deri të enjten mbrëma. Viset kontinentale më jo-stabile pothuajse çdo ditë e sidomos në mes të javës.
Ishte ky parashikimi javor i motit dhe ndryshime në parashikim mund të ketë sidomos afër fundjavës. Për çdo ndryshim eventual do të njoftoheni në postimet tona të përditshme/MeteoBallkan
