Qershori në Kosovë pritet të fillojë me mot të këndshëm, të nxehtë dhe kryesisht stabil. Pasdite pritet të ketë zhvillim lokal të vranësirave të cilat vetëm në disa vise malore pritet të kushtëzojnë ndonjë rrebesh të izoluar shiu me vetëtima dhe bubullimë. Temperatura maksimale pritet të arrijë deri në 31 gradë Celsius.
Në Shqipëri dhe rajon nesër pritet të mbajë mot kryesisht me diell dhe i nxehtë. Pasdite në disa vise malore priten rrebeshe të izoluara shiu me vetëtima dhe bubullimë.
Ditëve të ardhshme na pret mot i nxehtë, me zhvillime lokale të vranësirave pasdite të cilat në disa vise mund të kushtëzojnë ndonjë rrebesh të izoluar shiu me vetëtima dhe bubullimë. Rrebeshe pak më të përhapura priten të Premtën dhe të shtunën pasdite./MeteoBallkan