Shtatori në Kosovë do të fillojë me mot të nxehtë, pa ndonjë ndryshim substancial të motit, pra nesër në Kosovë pritet të kemi mot me intervale të gjata kohore me diell dhe vranësira kalimtare.
Edhe në Shqipëri nesër do të mbajë mot me intervale të gjata kohore me diell dhe vranësira kalimtare. Pritet të vazhdojë i nxehti. Pasdite në disa rajone mund të ketë ndonjë rrebesh të izoluar shiu me vetëtima dhe bubullimë
Në Maqedonë Veriore dhe Mal të Zi do të vazhdojë të mbajë mot i ngjashëm sikurse sot.
Pasnesër priten ulje të lehta të temperaturave dhe pak më shumë vranësira. Në Shqipëri pasdite priten rrebeshe lokale shiu me vetëtima dhe bubullimë, veçanërisht në juglindje, lindje dhe jug-qendër. Në viset tjera të rajonit pritet mot me vranësira dhe intervale kohore me diell, me mundësi për ndonjë rrebesh të izoluar shiu me vetëtima dhe bubullimë kryesisht në viset kodrinore malore.
Edhe të martën në Shqipëri priten rrebeshe afatshkurtëra lokale shiu, por prapë reshjet nuk do të jenë gjithëpërfshirëse. Rrebeshe më të fuqishme priten në veriun e Malit të Zi, ndërsa në viset tjera do të vazhdojë të jetë mot i ngjashëm me mundësi për ndonjë rrebesh të izoluar dhe afatshkurtër shiu. Mot i ngjashëm pritet edhe të mërkurën. Edhe pse do të ketë ulje të lehta të temperaturave prapëseprapë do të mbetet nxehtë./Meteoballkan
