Nesër në tërë rajonin tonë do të mbajë mot me intervale kohore me diell dhe vranësira të herëpashershme. Do të kemi ngritje të ndjeshme të temperaturave si dhe fuqizim të erërave jugore dhe juglindore. Kjo vjen si pasojë e ciklonit të fuqishëm me qendër në francë i cili do të rrugëtojë në drejtim të Adriatikut Verior dhe në këtë mënyre nga Afrika Veriore do të depërtojnë masa të nxehta ajrore në drejtim të rajonit tonë.
Mot i ngjashëm do të mbajë edhe të dielën, pra me diell, vranësira lokale dhe erëra mesatare deri të fuqishme jugore dhe juglindore. Në mbrëmje në Shqipërinë veriore dhe veriperëndimore mund të ketë rrebeshe lokale shiu. Të dielën Mali i Zi do të përfshihet nga rrebeshe të fuqishme lokale shiu me vetëtima dhe bubullimë dhe kjo mund të preke edhe rajonet e Shqipërisë që kufizohen me Malin e Zi.
Të hënën në Kosovë dhe Maqedoni pritet të kemi shtim të vranësirave dhe reshje të dobëta shiu, kurse në viset malore priten reshje kryesisht të dobëta bore. Shumica e territorit shqiptar do të mbetet pa reshje atmosferike.
Mot i ndryshuesheshëm dhe me reshje të herëpashershme atmosferike pritet të kemi edhe të martën dhe të mërkurën, ku gjatë ditës së mërkurë pritet të kemi ulje të temperaturave dhe reshje bore kryesisht në territorin e Republikës së Kosovës./Meteoballkan
