Nesër në Kosovë do të mbajë mot me intervale kohore me diell dhe vranësira të herëpashershme. Temperaturat do të shënojnë ulje të lehta si pasojë e shtimit të vranësirave. Pasdite vonë në ndonjë rajon mund të ketë ndonjë rigë apo rrebesh të izlouar shiu.
Në Shqipëri nesër do të mbajë mot me intervale kohore me diell dhe shtim të vranësirave. Pasdite në shumë rajone priten rrebeshe lokale shiu me vetëtima dhe bubullimë. Priten ulje të lehta të temperaturave.
Në Maqedoninë Veriore dhe Mal të Zi nesër do të mbajë mot me intervale kohore me diell dhe vranësira si dhe me mundësi për ndonjë rigë apo rrebesh të izoluar shiu me vetëtima dhe bubullimë.
Të martën në Kosovë do të mbajë mot i ndryshueshëm, paradite me intervale kohore me diell, ndërsa pasdite pritet shtim i vranësirave të cilat në orët e vona dhe natën mund të sjellin edhe rrebeshe lokale shiu me vetëtima dhe bubullimë.Në mbrëmje dhe natën priten edhe ulje të temperaturave dhe erëra veriore.
Në Shqipëri dhe Mal të Zi të martën pasdite pritet të mbajë mot mjaft jostabil, me intervale kohore me diell dhe vranësira të cilat do të sjellin rrebeshe lokale shiu me vetëtima dhe bubullimë, ndërsa në Maqedoni do të vazhdojë të mbajë mot kryesisht i thatë.
Të mërkurën në tërë rajonin më freskët, me intervale kohore me diell, vranësira të shpeshta dhe me mundësi për riga apo rrebeshe lokale shiu me vetëtima dhe bubullimë./Meteoballkan
