Nesër në Kosovë do të mbajë mot i ndryshueshëm por kryesisht i thatë. Megjithatë pasdite ose në mbrëmje në disa rajone mund të ketë riga shiu kryesisht në veriperëndim, perëndim dhe aty këtu në pjesët tjera.
Në Shqipëri nesër pritet të mbajë mot i ndryshueshëm ku pasdite në veriperëndim dhe jug të vendit do të ketë rrebeshe lokale shiu. Edhe në pjesët tjera të Shqipërisë mund të ketë riga shiu por më të rralla.
Në Maqedoni nesër mot kryesisht i thatë dhe i nxehtë. Reshje nuk pritet të ketë.
Të Mërkurën në jug qendër dhe perëndim të Shqipërisë do të ketë reshje shiu ndërsa lokalisht edhe rrebeshe shiu me vetëtima dhe bubullimë. Në pjesët tjera me intervale kohore me diell dhe vranësira. Në Maqedoni të mërkurën pritet të mbajë mot i ndryshueshëm ku në pjesët perëndimore të këtij shteti ka gjasa që të ketë riga lokale shiu kurse pjesët tjera kryesisht thatë. Në Kosovë të mërkurën kryesisht thatë dhe me vranësira të herë pas hershme por edhe me intervale të gjata kohore me diell.
Edhe të Enjtën në pjesën më të madhe të rajonit tonë do të mbajë mot kryesisht i thatë me përjashtim të jugut të Shqipërisë ku priten riga lokale shiu./Meteoballkan.
