Nesër në Kosovë do të mbajë mot me intervale kohore me diell dhe vranësira, por do të jetë ngrohtë për këtë periudhë kohore. Priten edhe riga kalimtare shiu, ndërsa në rajonin e Pejës me rrethinë përsëri priten reshje shiu në afat pak më të gjatë sidomos në mbrëmje dhe gjatë natës
Në Shqipëri, Maqedoninë Veriore dhe Mal të Zi nesër pritet të mbajë mot me vranësira dhe riga të herëpashershme shiu. Në Maqedoni priten më shumë intervale kohore me diell, ndërsa në bregdetin shqiptar edhe rrebeshe lokale shiu me vetëtima dhe bubullimë.
Të hënën na pret mot kryesisht i vranët, ndërsa pasdite pritet të ketë shtim të vranësirave dhe reshje lokale shiu. Në juglindje të Shqipërisë dhe disa vise të Maqedonisë së Veriut priten reshje të dendura shiu, ndërsa në viset kodrinore-malore reshje bore.
Të martën na pret mot me intervale kohore diellore dhe vranësira të cilat në disa rajone mund të kushtëzojnë ndonjë rigë shiu. Nga e mërkura pasdite me reshje të reja shiu në tërë rajonin, ndërsa në viset kodrinore-malore reshje bore./Meteoballkan
