Nesër në Kosovë pritet të mbajë mot me vranësira dhe intervale të gjata kohore me diell. Mëngjesi pritet të jetë i ftohtë dhe me ngrica, ndërsa gjatë ditës priten rritje të lehta të temperaturave. Minimalja pritet të ulet deri në -6 gradë Celsius, ndërsa ajo maksimale deri në 8 gradë Celsius.
Në Shqipëri dhe rajon nesër pritet të mbajë mot me vranësira lokale dhe intervale të gjata kohore me diell. Temperaturat pritet të shënojnë rritje të lehta.
Të premtën në Kosovë priten intervale kohore me diell, por edhe shtim i vranëriave me reshje lokale shiu e bore. Më shumë reshje priten në juglindje të vendit, ndërsa në viset tjera reshjet pritet të jenë sporadike dhe të lokalizuara.
Rikthim i vranësirave dhe reshjeve pritet të premtën edhe në Shqipëri dhe Maqedoninë Veriore. Në jug të Shqipërisë priten reshje shiu, ndërsa në lindje/juglindje reshje lokale bore. Reshje shiu e bore priten edhe në perëndim të Maqedonisë së Veriut.
Gjatë fundjavës intensifikim gradual i reshjeve. Nëpër ultësira priten reshje shiu, ndërsa në viset kodrinore malore reshje bore. Reshje të herëpashershme bore priten edhe nëpër disa ultësira të Kosovës, pjesëve kontientale të Shqipërisë, Maqedonisë së Veriut, Malit të Zi dhe Luginës së Preshevës. Ka gjasa edhe për krijimin e shtresave të borës nëpër disa ultësira./MeteoBallkan
