Reshjet dhe rrebeshet e shiut do të rigjenerohen në Kosovë gjatë orëve të ardhshme dhe deri në mëngjes do të përfshijnë tërë territorin e Republikës së Kosovës, ku priten reshje të reja të dendura shiu. Vende-vende do të ketë mundësi edhe për rrebeshe të fuqishme shiu me vetëtima dhe bubullimë. Reshjet mund të shkaktojnë vërshime të shpejta lokale.
Edhe nesër në Kosovë posaqërisht paradite pritet të kemi mot mjaft jostabil dhe me reshje të herëpashershme shiu. Vende-vende mund të ketë rrebeshe lokale shiu me vetëtima dhe bubullimë.
Në Shqipëri po ashtu gjatë natës dhe nesër priten reshje të reja atmosferike. Në bregdet dhe në qendër priten rrebeshe të fuqishme shiu të cilat mund të shkaktojnë vërshime të shpejta lokale.
Edhe në Maqedoninë e Veriut dhe Mal të Zi pritet të kemi mot jostabil dhe me reshje shiu. Vende-vende do të ketë rrebeshe shiu me vetëtima dhe bubullimë.
Moti jostabil dhe i paqëndrueshëm do të vazhdojë edhe të martën dhe të mërkurën me reshje të herëpashershme shiu dhe vende-vende me rrebeshe shiu me vetëtima dhe bubullimë.
Nga e Enjta në Shqipëri pritet përmirësim i motit, kurse në Kosovë edhe pse do të ketë përmirësim, pasdite mund të ketë rrebeshe lokale shiu.
Të premtën në tërë rajonin mot mjaft i nxehtë dhe me diell. Temperaturat do të shënojnë ngritje të theksuar./Meteoballkan
