Nesër në Kosovë parashihet të mbajë mot me diell dhe shumë i nxehtë veror. Orëve të mesditës rekomandohet kujdes i shtuar për shkak të vapës së fortë dhe niveleve të larta të rrezeve UV, prandaj personat e ndjeshëm dhe të sëmurët kronik duhet të mos qëndrojnë jashtë.
Temperaturat parashihet të lëvizin nga 16 minimalja deri në 36 gradë Celsius maksimalja.
Në Shqipëri, Maqedoninë e Veriut, Luginë të Preshevës dhe Mal të Zi nesër parashihet të mbajë mot me diell dhe shumë i nxehtë. Temperaturat parashihet të arrijnë deri në 40 apo 42 gradë Celsius në zonat më të nxehta të Shqipërisë. Pasdite në disa vise malore në jug dhe lindje mund të zhvillohet ndonjë rrebesh i izoluar shiu me ndonjë vetëtimë dhe bubullimë.
Mot shumë i nxehtë pritet të kemi edhe të mërkurën dhe të enjten. Të enjten pasdite mund të ketë zhvillime të vranësira në disa lokalitete me mundësi për rrebeshe të izoluara shiu me vetëtima dhe bubullimë. Në zonat me zhvillime mund të ketë freskime afatshkurtra të motit.
Edhe e premtja do të jetë e nxehtë, por me mundësi për stuhi dhe freskime lokale./MeteoBallkan
