Nesër në Kosovë do të mbajë mot i ngjashëm sikurse sot. Paradite kryesisht me diell dhe mjaft i nxehtë dhe me zagushim, kurse pasdite në disa rajone priten zhvillime të vranësirave të cilat do të kushtëzojnë rrebeshe të izoluara shiu me vetëtima dhe bubullimë.
Edhe në Shqipëri mot i ngjashëm sikurse sot, pra pritet mot mjaft i nxehtë në shumicën e territorit shqiptar. Pasdite në disa rajone kryesisht kodrinore-malore priten rrebeshe lokale shiu me vetëtima dhe bubullimë.
Edhe në Maqedoninë e Veriut dhe Mal të Zi nesër mot i ngjashëm sikurse sot. Pasdite në shumë pjesë të Maqedonisë priten rrebeshe lokalisht të fuqishme shiu me vetëtima dhe bubullimë, ndërsa në Mal të Zi veriu dhe qendra do të jetë mjaft jostabile, kurse jugu dhe bregdeti me mot stabil dhe të nxehtë.
Të shtunën dhe të dielën mbi rajon do të shtrihen masa ajrore anticiklonike të thata, kurse temperaturat do të shënojnë ngritje. Nuk priten rrebeshe shiu por vetëm rreze diellore.
Të hënën pritet të kemi mot mjaft të nxehtë në nivel rajonal, kurse në Kosovë pasdite pritet destabilizim i atmosferës dhe si rezultat priten rrebeshe lokalisht të fuqishme shiu me vetëtima dhe bubullimë./Meteoballkan
