Nesër në Kosovë pritet ët mbajë mot shumë i nxehtë sidomos paradite dhe në mesditë. Gjatë mesdite ose pasdite pritet të fillojnë zhvillime të fuqishme të vranësirave konvektive të cilat pritet të kushtëzojnë rrebeshe lokalisht të fuqishme shiu me vetëtima, bubullimë dhe mundësi për breshër. Ekzistojnë gjasa për krijimin e ndonjë shtrëngate të fuqishme lokale shiu me breshër dhe zbrazje të fuqishme atmosferike. Rreshjet pritet të jenë të karakterit lokal, ndërsa temperatura maksimale pritet të arrijë deri në 35 gradë Celsius. Normalisht në zonat e rrebesheve të shiut pritet freskim i motit.
Në Shqipëri nesër pritet të mbajë mot kryesisht me diell dhe mjaft i nxehtë. Vranësira dhe ndonjë rrebeshe shiu priten vetëm në veri dhe lindje të vendit. Mot shumë i nxehtë nesër pritet të mbajë edhe në Maqedoninë Veriore, Mal të Zi dhe Kosoven Lindore. Pasdite priten rrebeshe të izoluara shiu me vetëtima, bubullimë dhe mundësi për breshër. Mund të ketë edhe shtrëngata të fuqishme lokale sidomos në Mal të Zi dhe disa vise në Maqedoninë Veriore.
Të mërkurën na pret mot pak më i freskët, me intervale kohore me diell dhe zhvillime të rrebesheve të fuqishme lokale të shiut me vetëtima, bubullimë dhe mundësi për breshër. Temperaturat do të shënojnë ulje, ndërsa rrebeshe lokalisht mjaft të fuqishme priten në Maqedoninë Veriore duke mos përjashtuar edhe territorin e Kosoves.
Të entjën përmirësim i përkohshëm i motit, ndërsa të premtën në tërë rajonin priten reshje shiu dhe rrebeshe lokale shiu me vetëtima dhe bubullimë, ulje të temperaturave dhe mundësi për shtrëngata shiu edhe në bregdetin shqiptar./MeteoBallkan
