Nesër në Kosovë do të mbajë mot me vranësira dhe mundësi për intervale kohore me diell. Do të jetë pak më nxehtë. Pasdite vonë dhe në mbrëmje në shumë rajone priten rrebeshe apo riga lokale shiu, por reshjet nuk do të jenë gjithëpërfshirëse.
Edhe në Shqipëri nesër pritet të mbajë mot i ngjashëm, me vranësira të shpeshta dhe mundësi për intervale kohore me diell. Pasdite vonë në shumë rajone priten rrebeshe apo riga lokale shiu.
Në Maqedoninë Veriore dhe Mal të Zi nesër pritet të mbajë mot me intervale kohore me diell dhe vranësira të shpeshta. Temperaturat do të shënojnë ngritje të lehta.
Të dielën në tërë rajonin pritet të kemi mot me vranësira dhe intervale kohore me diell. Do të jetë freskët. Mot i ngjashëm pritet të mbajë edhe të hënën dhe të martën, me vranësira të shpeshta intervale kohore me diell, freskët dhe kryesisht thatë.
