Nesër në Kosovë do të mbajë mot i ftohtë dhe me reshje të herëpashershme shiu dhe bore. Në viset kodrinore-malore priten vetëm reshje bore. Nuk pritet të kemi reshje të mëdha. Në orët e mbrëmjes mund të kemi reshje estetike bore në shumë pjesë të Republikës së Kosovës.
Në Shqipëri nesër mot me vranësira dhe intervale kohore me diell. Në jug, juglindje, lindje dhe verilindje të vendit me tendelncë nga qendra me reshje të herëpashershme atmosferike, kurse në viset tjera kryesisht mot i thatë. Në viset kodrinore-malore priten reshje bore.
Mot i vranët dhe me reshje shiu nëpër ultësira dhe bore në viset kodrinore-malore do të mbajë edhe në Maqedoni, ku herë pas here reshjet mund të jenë pak më intensive se në rajonet tjera. Mali i Zi nesër me mot kryesisht të thatë me përjashtim të veriut ku priten reshje bore.
Reshje të fuqishme shiu dhe bore sonte dhe nesër priten në Greqi dhe Turqi.
Ditëve të ardhshme do të kemi largimin e reshjeve atmosferike nga trojet tona si rezultat i depërtimit të masave të thata ajrore anticiklonike. Një ose dy ditë do të jetë relativisht ftohtë dhe me mundësi për acar të dobët, kurse nga fundi i javës pritet ngritje graduale e temperaturave.
