Nesër në Kosovë do të mbajë mot mjaft jostabil, me vranësira, reshje shiu, ndërsa herë pas here edhe rrebeshe të fuqishme lokale shiu me vetëtima dhe bubullimë. Në mbrëmje dhe gjatë natës do të ketë ulje të temperaturavem reshje shiu dhe reshje bore në viset kodrinore-malore.
Të martën pritet të kemi një ditë mjaft të ftohtë me erëra mesatare deri të fuqishme veriore. Reshje atmosferike nuk pritet të ketë me ndonjë përjashtim të vogël.
Në Shqipëri edhe nesër mot mjaft jostabil dhe me reshje apo rrebeshe lokale shiu me vetëtima dhe bubullimë.
Edhe në Maqedoninë e Veriut dhe Mal të Zi nesër mot me vranësira dhe vende-vende me rrebeshe lokale shiu me vetëtima dhe bubullimë. Pasdite në shumë vise të Malit të Zi pritet të fillojnë reshjet e borës. Gjatë natës ulje e temperaturave në tërë rajonin.
Të martën në tërë rajonin do të ketë shumë më pak reshjem ose hiç fare, por do të jetë ftohtë për këtë periudhë kohore. Do të ketë vranësira të shumta por vende-vende edhe intervale kohore me diell.
Të mërkurën pritet stabilizim i motit dhe ngritje e theksuar e temperaturave. E mërkura do të jetë ditë e vërtetë pranverore në tërë rajonin tonë dhe do të kemi edhe shumë rreze diellore. Nga e enjta përsëri do të kemi rikthimin e reshjeve atmosferike./Meteoballkan
