Nesër në Kosovë pritet të mbajë mot me diell dhe vranësira lokale. Pasdite parashihen disa zhvillime në zona të izoluara me ndonjë rrebesh të izoluar shiu me vetëtima dhe bubullimë, por në shumicën e territorit nuk priten reshje.
Temperaturat pritet të luhaten nga 12 minimalja deri në 30 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe vranësira lokale. Pasdite priten zhvillime të vranësirave konvektive në veri të Malit të Zi, Luginë të Preshevës dhe pjesë të Maqedonisë së Veriut si dhe rrallë ndonjë rajon malor të Shqipërisë. Këto zhvillime mund të kushtëzojnë rrebeshe lokale shiu në ato zona që i përmendëm.
Dita e diel parashihet të jetë pak më e freskët, me diell dhe vranësira të cilat lokalisht do të kushtëzojnë rrebeshe të izoluara shiu me vetëtima dhe bubullimë. Të dielën parashihen pak më shumë rrebeshe shiu në pjesë të Kosovës. Temperaturat do të shënojnë ulje të lehta.
Fillimi i javës së re më i nxehtë e në disa rajone me zhvillime të rrebesheve lokale të shiut me vetëtima dhe bubullimë. Të hënën më shumë zhvillime priten në lindje dhe juglindje të Shqipërisë dhe perëndim të Maqedonisë së Veriut, kurse të martën pasdite në shumë vise të rajonit tonë./MeteoBallkan
