Nesër në Kosovë pritet të mbajë mot me diell, vranësira lokale dhe shumë i nxehtë, megjithatë orëve të pasdites dhe mbrëmjes do të ketë shtim lokal të vranësirave të cilat në disa rajone do të zhvillohen vertikalisht dhe do të kushtëzojnë rrebeshe të izoluara shiu me vetëtima dhe bubullimë.
Zhvillimet do të jenë të izoluara dhe nuk do të kapin tërë vendin, por vetëm zona të izoluara.
Temperaturat parashihet të luhaten nga 15 deri në 35 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe shumë i nxehtë veror. Pasdite në disa zona kryesisht kodrinore-malore parashihen zhvillime konvektive që do të kushtëzojnë rrebeshe të izoluara shiu me vetëtima dhe bubullimë. Mund të zhvillohet edhe ndonjë stuhi e izoluar me breshër në verilindje të Maqedonisë, por zhvillime eventuale nuk do të jenë të mirëorganizuara.
Nga e premtja do të vazhdojë vapa e verore, me tendencë uljesh të lehta të temperaturave në zona e atmosferës jo-stabile. Vende-vende parashihet që atmosfera të destabilizohet dhe të krijohen stuhi të izoluara shiu me vetëtima, bubullimë dhe mundësi për breshër. Këto zhvillime nuk do të kapin shumë territor./MeteoBallkan
