Nesër në Kosovë na pret mot kryesisht i vranët, dhe relativisht i ngrohtë për këtë periudhë kohore. Ka gjasa për intervale të shkurtra kohore me diell në disa rajon dhe po ashtu mund të ketë ndonjë rigë të dobët në ndonjë rajon. Temperatura maksimale pritet të arrijë deri në 11 gradë Celsius.
Në Shqipëri dhe rajon nesër pritet të mbajë mot kryesisht i vranët dhe me rrebeshe shiu në veriperëndim të Shqipërisë dhe Mal të Zi. Në viset tjera rrallë në ndonjë rajon mund të ketë ndonjë rigë ose rrebesh afatshkurtër shiu.
Edhe ditëve të ardhshme priten vranësira të shpeshta, por nuk pritet të jetë ftohtë. Në disa vise parashihen reshje shiu dhe rrebeshe lokale me vetëtima dhe bubullimë. Reshje parashihen në veriperëndim dhe veri të Shqipërisë dhe Mal të Zi, ndërsa në viset tjera rrallë në ndonjë rajon mund të ketë riga shiu. Të premtën shiu do të fillojë të depërtojë në veriperëndim të Kosovës, ndërsa për fundjavë na pret mot i vranët dhe me reshje shiu në tërë rajonin ku vende-vende priten reshje mjaft të dendura shiu dhe rrebeshe me vetëtima dhe bubullimë./MeteoBallkan
