Nesër në Kosovë pritet të mbajë mot kryesisht me diell dhe mjaft i ngrohtë. Do të ketë erëra herë pas here të fuqishme nga jugperëndimi si dhe disa vranësira kalimtare. Temperaturat maksimale pritet të arrijnë rreth 26-27 gradë Celsius.
Në Shqipëri, Maqedoninë Veriore dhe Mal të Zi nesër pritet të mbajë mot me diell dhe vranësira. Do të jetë mjaft ngrohtë dhe me erëra jugperëndimore.
Të shtunën ulje e temperaturave dhe vranësira në mëngjes, për arsye të depërtimit të një fronti të dobësuar të ftohtë ajror. Erërat do të ndryshojnë drejtim dhe do të fryjnë nga veriu. Në mëngjes rrallë në ndonjë rajon në Kosovë mund të ketë ndonjë rigë ose rrebesh afatshkurtër shiu. Gjatë ditës priten alternime mes vranësirave dhe intervaleve kohore me diell, kurse pasdite priten kryesisht kthjellime.
Të dielën stabilizim i plotë i motit. Pritet ditë e këndshme dhe ngrohtë pranverore.
Të hënën dhe të martën edhe më ngrohtë, ndërsa të mërkurën priten reshje shiu si dhe rrebeshe lokale shiu me vetëtima dhe bubullimë./Meteoballkan
