Nesër në Kosovë pritet të mbajë mot kryesisht me diell dhe i ngrohtë për këtë periudhë kohore. Nata dhe mëngjesi do të jenë mjaft të freskëta, ndërsa dita e ngrohtë dhe stabile. Temperatura maksimale parashihet të arrijë deri në 24 gradë Celsius.
Në Shqipëri, Maqedoninë e Veriut, Luginë dhe Mal të Zi nesër pritet të mbajë mot kryesisht me diell dhe vranësira të pakta lokale. Nëpër disa lugina do të ketë mjegull sidomos orëve të hershme të mëngjesit.
E diela do të jetë një ditë edhe më i nxehtë dhe me diell, megjithatë një front krejtësisht i dobët afrohet orëve të vonshme të mbrëmjes. Gjatë natës në Kosovë shtim i vranësirave dhe ndonjë rigë e izoluar shiu. Përkohësisht do të ketë erëra deri diku të fuqishme nga veriu. Në Shqipëri dhe Maqedoninë Veriore fronti rrallëkund do të ndjehet. Do të vazhdojë mot kryesisht me diell e ndonjë rrebesh ose rigë natën vetëm në disa vise malore.
Të hënën pak më freskët për shkak të frontit të dobët, por pa reshje atmosferike. Nga e marta më ngrohtë./METEOBALLKAN
