Nesër në Kosovë do të mbajë mot me intervale kohore me diell dhe vranësira kalimtare. Temperaturat do të shënojnë ulje të lehta. Reshje nuk pritet të ketë.
Në Shqipëri gjatë natës së sontme në jugperëndim dhe perëndim të vendit priten rrebeshe lokale shiu të shoqëruara vende/vende edhe me vetëtima dhe bubullimë. Nesër në Shqipëri pritet të mbajë mot me vranësira dhe intervale kohore me diell ku në juglindje mund të ketë ndonjë rigë të dobët shiu.
Në Maqedoni pa kurrfar ndryshimi pra, me diell dhe ndonjë vranësirë kalimtare, do të jetë relativisht nxehtë.
Masa e fuqishme anticiklonike e përqëndruar në Lindje të Evropës apo në Rusinë perëndimore gjatë ditëve të ardhshme do të fuqizohet edhe më tutje kurse pas disa ditëve do të bashkohet me një anticiklon tjetër me qendër në Mesdhe apo afër Italisë dhe në këtë mënyrë rajoni ynë nuk do të ketë gjasa për të reshura atmosferike edhe disa ditë me radhë/Meteoballkan.
