Nesër në Kosovë pritet të mbajë mot kryesisht i vranët dhe herë pas here priten edhe riga lokale shiu. Në viset më të larta priten fjolla të herëpashershme bore.
Në Shqipëri dhe tërë rajonin tonë nesër pritet të mbajë mot kryesisht i vranët dhe vende-vende me reshje shiu. Në viset malore priten reshje bore.
Të hënën ë Kosovë pritet ditë tipike dimërore me reshje të shpeshta bore. Në visiet kodrinore-malore priten reshje të dendura bore, duke mos përjashtuar edhe disa vise më të ulëta. Temperaturat do të shënojnë ulje.
Në Shqipëri të hënën pritet të mbajë mot kyesisht i vranët, në jug me riga shiu, ndërsa në verlindje me reshje bore. Reshje lokale bore priten edhe në lindje dhe juglindje të vendit si dhe lokalisht në viset kodrinore-malore edhe në viset tjera të vendit. Reshje shiu e bore të hënën priten edhe në Maqedoninë Veriore. Me uljen e temperaturave priten reshje bore edhe në disa ultësira të vendit. Reshje bore të hënën priten edhe në Luginën e Preshevës dhe veriun e Malit të Zi.
Nga e marta na pret mot i ftohtë dimëror. Reshjet do të vazhdojnë, lokalisht në formë dëbore, por do të vijnë duke u dobësuar. Temperaturat do të shënojnë ulje të ndjeshme sidomos ato minimale ku priten të ulen të paktën deri në -10 gradë Celsius. Normalisht bëhet fjalë për viset tona kontientale./MeteoBallkan