Nesër në Kosovë pritet të kemi mot kryesisht të vranët dhe paksa më të ftohtë si dhe me reshje lokale shiu. Në viset e larta malore reshje shqote e bore. Temperaturat pritet të lëvizin nga 0 ato minimale deri në 10 gradë Celsius ato maksimale. Reshje më të theksuara shiu priten orëve të hershme të mëngjesit të së hënës dhe po ashtu reshje bore në viset malore.
Në Shqipëri, Maqedoninë Veriore, Kosovën lindore dhe Mal të Zi nesër pritet të mbajë mot kryesisht i vranët dhe me reshje të lokalizuara të shiut.
Edhe e hëna do të jetë një ditë me mot kryesisht të vranët dhe me reshje lokale shiu. Në jug dhe perëndim të Shqipërisë priten rrebeshe lokale me vetëtima dhe bubullimë.
Nga e marta përmirësim gradual i motit, ndërsa ende priten vranësira. Reshjet do të jenë më të rralla e krejtësisht sporadike, ndërsa temperaturat shënojnë rritje graduale./METEOBALLKAN
