Nesër në Kosovë pritet të mbajë mot kryesisht i vranët dhe me reshje të herëpashershme lokale shiu. Vende-vende priten reshje të dendura shiu kryeisht në jug dhe lindje të vendit. Temperaturat maksimale pritet të luhaten nga 18 deri në 20 gradë Celsius.
Në Shqipëri nesër pritet të mbajë mot me intervale kohore me diell dhe vranësira të herëpashershme. Herë pas here priten erëra të fuqishme nga veriu, ndërsa riga kryesisht të dobëta shiu priten në lindje të vendit. Pasdite në disa vise priten rrebeshe afatshkurtra shiu me vetëtima dhe bubullimë.
Reshje lokalisht të dendura shiu nesër priten në Maqedoninë Veriore dhe Kosoven Lindore, ndërsa në Mal të Zi priten intervale kohore me diell dhe ndonjë rigë ose rrebesh afatshkurtër shiu me vetëtima dhe bubullimë.
Nga e diela pritet përmirësim i motit, por masat e freskëta ajrore mbesin ende prezente. Në bregdet pritet mot me diell dhe i nxehtë. Temperaturat do të fillojnë të shënojnë rritje graduale edhe në viset kontinentale./MeteoBallkan