Nesër në Kosovë do të mbajë mot me intervale të gjata kohore me diell dhe vranësira kalimtare. Gjatë ditës apo pasdite mund të ketë edhe ndonjë rigë apo rrebesh të izoluar shiu me vetëtima dhe bubullimë.
Në Shqipëri nesër pritet të mbajë mot i ndryshueshëm me intervale të gjata kohore me diell, ndërsa në bregdet, veri dhe në qendër me mundësi për rrebeshe lokale shiu me vetëtima dhe bubullimë. Rrebeshe të izoluara mund të ketë edhe në viset tjera.
Rrebeshe shiu me vetëtima dhe bubullimë nesër priten edhe në Mal të Zi, ndërsa në Maqedoninë Veriore ato do të jenë shumë më të ralla dhe më të izoluara.
Të martën në tërë rajonin tonë pritet të mbajë mot kryesisht me diell dhe do të jetë më nxehtë. Pasdite në juglindje dhe lindje të Shqipërisë mund të ketë rrebeshe lokale shiu me vetëtima dhe bubullimë.
Të mërkurën rrebeshet do të jenë të shpeshta në Shqipëri, Mal të Zi dhe disa pjesë të Maqedonisë dhe më të pakta në Kosovë.
Në përgjithësi ditët e ardhshme edhe pse nuk pritet të kemi mot tërësisht stabil do të jetë nxehtë dhe me zagushim gjatë ditëve. Rrebeshet do të shpeshtohen gradualisht në Shqipëri, por ende nuk pritet të kemi reshje gjithëpërfshirëse aq shumë të nevojshme për tërë rajonin tonë./Meteoballkan
